دفء المسالك ((عامية))

دفء المسالك

مقدمة:

هاهي أوراق الخريف تسقط على مساحات واسعه...

والاقدام تدهسها تهشمها .. تحولها إلى فتات

بعدما كانت لوحة إبداعية في جوف طبيعة هذا الكون

هذا هو طابع الحياة... القسوة

وهذا هو شعار الناس في هذا الزمن ... العنف

وغض الطرف عن كل ما هو جميل وهادئ

تحطيم كل ما يجلب السعادة والبحث عن الدمار والخراب



الجزء الأول

في المدرسة الثانوية:

وسن: بنات مو كنه اليوم الدراسي مطول شويات..

مرام:أفاا تقولين شوياات الا قولي كثير حد الدعسه

نوار تضحك: لا تلومينها يا مرمر تعرفين الدوافير ما يحسون باليوم الدراسي مش مثلنا اليوم الدراسي هم ع قلوبنا

وسن: قولي ما شاء الله قولي ما شاء الله

معالي: فديتها وسن محد ما شاء الله مثلها بالتفوق والاجتهاد وبعدين لكل مجتهد نصيب

نوار: يوه اكلتنا بقشورنا ياربي حنا وش قلنا

مرام: رنيم وانتي كله ساكته وآخر هالسكوت والصمت معاك لوين بيوصلك؟؟

ردت رنيم بتهجم: اذا طلبت رايك تكلمي

مشت رنيم عنهم

مرام:يوه انا شقلت لها حق تزعل كذا؟!

وسن:مدري والله علمي علمك

نوار: اتركوا البنت بحالها الظاهر انها تمر بظروف وإن شاء الله راح تعدي وبترد لكم مثل اول واحسن

مرام: وش ظروفه إنتي الثانيه وحنا وش دخلنا تعاملنا كذا هذا اذا كانت صج تمر بظروف مثل ما تقولين

معالي:مرام انتي ابد ما عندك احساس ياخي قدري ظروف البنت

مرام:ظروف وظروف الشرهه مهب عليكم الشرهه على اللي تجلس معاكم

مشت مرام وهي مكشره

وسن ببتسامه: ما بقينا الا حنا الثلاث

تضحك نوار بصوت عالي: هههههه هذي سنة الحياة يا بنتي

معالي: صج انك رايقه ورايحه فيها

نوار: دووم ان شاء الله هالروقان على قلبي

وسن: ابي مره اشوفك مش رايقه وما تضحكين ماراح اشوف

نوار: ياختي انتم خلكم واقعيات ليه انكد على نفسي الدنيا وانا كم يوم عايشه فيهم ورايحه ياختي لا ياخذ عقلك الرياضيات والفيزياء شغليه تمام

معالي تقاطعها: هالحين وش يسكتك انتي اذا فتحتي ثمك ماراح يتقفل

نوار: هع هع ظريفه مره

معالي: طالعه عليك



مرام ، معالي ، وسن ، رنيم ، نوار

خمس بنات

لكل وحده طبيعه وعالم

ولكنهم كلهم بسن واحد

بصف اول ثانوي

ويدرسون بمدرسه وحده

نجي نتعرف عليهم

رنيم: بنت غريبة الاطوار ولكنها حبوبه احيانا تلقينها في صمت عجيب وبعالم ثاني ودايما كلامها قليل جداً ومع ذلك قلبها اصفى من العسل ورقيقه ما تتحمل أي شي يجرح احساسها ودمعتها على خدها،، سمراويه ولها عيون مكحله متوسطة الطول وشعرها مجعد يعني مش ناعم ولا خشن نسبيا طويل وجسمها متوسط الحجم امها وابوها متطلقين وهي بالعادة تعيش مع امها وفي بيت اهل امها



نوار: بنت مزوحه وتحب تكثر بالهرج ودايم تضحك وكلامها زي العسل بس اذا عصبت لا تعرف احد وتسبك وتسب نفسها والدنيا كلها يوووه لاحد يقربها اذا جت لها نوبة الغضب في الدراسه ممشيه بس هي مهمله ولا تحب تذاكر شعارها البنت مالها الا البيت،، سمراويه وخشمها صغير وجميل وعيونها فاتحه جسمها شوي مليان وهي اطول من رنيم... هي البنت الوحيدة بين اربع شباب ببيتهم عايشه مع امها وابوها ما نبي ندخل بتفاصيل اكثر بنتطرق لحياتهم بعدين



مرام: بنت دلوعه ولكن كمان طيوبه بقد دلاعتها تزعل لاي سبب واتفه سبب يزعلها ،، في الدراسه هي اشطر من نوار ورنيم يعني هي مش مهمله ولا مجتهده بس تجيب درجات مره حلوة،، وحيدة امها وابوها ولكن امها مغربية الجنسية.. ابوها شغله يتطلب منه يسافر كذا بلد يعني مش مستقر في مكان واحد عشان كذا هي ساكنه عند عمتها واللي هي ممرضه ارمله وعندها ولدين وبنت

مرام بيضا وملامحها ناعمه وطويله اطولهم كلهم وشعرها اسود ودايم تقصه لين كتفها تعمل فيه حركات تبع اخر موضه



معالي: بنت اخلاقها جدا عاليه بعلو اسمها محتفظة بمبادئ وقيم كثيرة قليل من بنات اليوم من يحتفظ بها وهي تعد من الممتازات والمتفوقات بالمدرسه تلبس نظاره

((دليل الاجتهاد << ياعيني خخخخ ))

عندها خوات ثنتين وهي اكبرهم تعيش ويا ابوها طبيب اعصاب توفت امها من سنه وحده ابوها لكن معوضهم كثير مش مقصر عليهم بشي

بشرتها حنطاويه نوعا ما وجسمها ضعيف وقصيره اللي يشوفها يقول عنها بأول متوسط مش اول ثانوي بس ملامحها جميله وشعرها مش ناعم بالمره يعني معكرونه ههههه



نجي لاخر وحده وهي وسن: البنت الاذكى في الدفعه البنت الطموحه عندها سرعة بديهيه عجيبه.. مصدر اعجاب المعلمات والمديره ايضا ..الكل يعرفها ويشهد لها بتفوقها،، امها وابوها ما رزقهم الله الا بهذي البنت ولكنها ماليه عليهم حياتهم ورافعه راسهم فوق فوق ...

بشرتها حنطيه قريبه للون بشرة معالي وجسمها متعادل وطولها قريب من طول نوار ويمكن اطول بشويه ،، لها خشم طويل وجميل مره وعيون ناعسه سوداء شعرها فاتح ودايم ترفعه

عايشين ببيت جدها هي وابوها وامها بس قريب راح ينتقلون لبيت جديد واكبر



بإنتهاء الدوام الدراسي كلن رجع بيته

مرام دخلت البيت وفصخت عباتها ورمتها وهي تصرخ:

يناس ياعالم حطوا الغذى ترانا جواعا جوووع مش طبيعي مش طبيعي

فجأه ينزل بندر معصب: ياختي والاخير معك كل يوم نفس الكلام نقولك وطي صوتك ازعجتينا

مرام:يووه انت من وين طلعت لي بس مزاجي اليوم كلش ابد لا تجي وتزيده،، ليه ما رحت الجامعه فكيتنا من خشتك

بندر: حظي المقرود اللي صار عندي اليوم اوووف

مرام: وانا حظي النحس اللي خلاني استفتح بوجهك ،، وين الغلا ريم؟

بندر وهو عاطي ظهره مرام وماشي جهت المطبخ:ما بعد رجعت من الجامعه؟؟ والله احسن لها اغبطها على النعمة اللي هي فيها هالحين

مرام خذت مخده من الصاله ورمتها على بندر وكان في يده كوب شاي وطاح وركضت بسرعه لغرفتها وهي تضحك

بندر ولد بسنة اولى جامعه يعني عمره تقريبا 18 ولا 19 سنه هو يقول يمين ومرام شمال ما عمرهم اتفقوا ع شي واحد

بندر حباب وخفيف دم بقوة ورومانسي هو الرجال لبيتهم لان اخوه مهند اللي اكبر منه بثلاث سنوات معه امراض عصبيه ونفسيه يعني الله بعونه حالته مش حالة انسان طبيعي

بندر يحبه موت ومهتم به وعاطنه عنايه كبيره ويشغل جزء كبير من اهتمامه ولا عمره يوم تضايق منه او شي بالعكس لدرجة انه هو احرص من امه على اخوه

امه لما شافته كذا ارتاحت وتركت الحمل عليه وهو كفى ووفى

بس مشكلته احيانا يرمي كلام هو ما يقصده وهذا اللي متعبه شوي بعلاقاته الاجتماعيه الخارجيه



*

وسن ومعالي بالطريق يمشون طالعات من المدرسة

معالي:برايك مرام لها حق تزعل اليوم؟؟

وسن:البنت كذا طبيعتها والله مدري اذا كان لها حق او لا لكن انتي عارفه انه علاقتي بها جداً سطحيه يعني ولا يوم تعرضت لي او تعرضت لها بموقف ما اعرفها ذيك المعرفه

معالي:وربي انها طيوبه بس شويه زعووله

وسن:الجو حار بقوة حاسه نفسي بيغمى علي

معالي:بسم الله عليك هههههه اذا طحتي علي ولا يهمك اشوف اقرب هندي اناديه يجي يحملك تدرين بي ضعيفه ما اقوى عليك

وسن:وعععععع فال الله ولا فالك الله لا بحطني بهيك موقف ولا يرميني تحت رحمتك يا عديمة الاحساس :@

معالي:بشويش كنك تبين تاكليني الله يدفع البلاء،، وسنوه من متى ما تهاوشتي؟؟ تبين هووشه اكيد

وسن تغير الموضوع:ورى ما تجين معي اليوم تتغذين؟؟

معالي: لا ماما I can't

وسن: why??????!

معالي: when I go with you who is staying with my sisters???

وسن: o.k. no problem my dear but I want you to come another day to my home.

معالي: ان شاء الله من عنوني

وسن:تسلملي عنونك



**



سعد اخو نوار

سعد:ياختي ابي بس اشوفك مره ماسكه كتاب وتذاكرين

نوار:والله ما يليق ما يليق ياخوي

سعد:تعالي معي شويات بس

راحت نوار مع اخوها سعد

عند المرايه

فصخ نظارته ولبسها اياها وعفس شعرها

سعد:شرايك باللوك؟؟

نوار وهي شاقه وجهها بأكبر ابتسامه:لوك المجتهدين؟؟

سعد:لا المشردين هع هع

نوار تضرب اخوها بنظارته:اقلب وجهك بس

وتمشي

سعد:افاا زعلتي

نوار ما تتكلم

سعد:زعلتي؟؟

نوار:ايوه عندك مانع؟؟

سعد:لا ازعلي بكيفك بكره بترضي بنفسك هههه

نوار: هي هي هي بايخ جداً

سعد: طالع عليك



**



رنيم جالسة بغرفتها المشتركة مع خالتها الكبيرة

كانت جالسة لوحدها

حاسه ان الدنيا ضايقه بوجهها

خالها احمد اقرب انسان لها راح يسافر يكمل دراسته برى

وهالشي مأزمنها

وش راح تسوي بعد غيابه عنه

من راح تبث له همومها غيره منو يسمعها بهالدنيا غير الاحمد

كان فكرها مشتت

بلحظة

صرخت بكل ألم وبكل وجع

وهي ماسكه براسها

صوت القطار يتكرر يتكرر

صرخت من قلبها



**



كانت مرام تفر بقنوات التلفزيون زهقانه

وبجنبها كان مهند جالس

فجأه نزل بندر يركض على الدرج بجنون

ومشى بالصالة بسرعه وطلع من الباب وكنه مهب شايف حتى اخوه ولا مرام

وشغل سيارته ومشى بكل سرعة

انرسمت علامات الدهشه على محيا مرام ومهند

قامت من على الكنب

وهي تحس ان الموضوع فيه انه وقلبها مش مرتاح

بس كيف تتصرف كيف تعرف وش صاير

خذت تلفونها واتصلت على جوال بندر

سمعت نغمة جواله

ترك الجوال ما خذاه

تمت واقفه لفترة طويله وبودها لو تعرف شصاير

بأي طريقه

حاولت تهدي مهند وجلست جنبه وهي كل شوي تراقب الساعه وكل ما تأخر الوقت انقبض قلبها اكثر

وبعد حوالي اكثر من ثلاث ساعات

رجع بندر ومعه امه وكانت تبكي بقوه

وعيون بندر حمر

وقفت مرام

مشكوره ع القصه الروعه وننتظر المزيد
بس بسرعه لان الجزاء لأول مره حلو وعجبني بليييز بسرعه

يووه نسيت ما اعلق على القصة بدايتها very very very beautiful

كل الشخصيات حلوة مرام ،، نوار ،، رنيم اسماءهم مرة حلوة وشخصياتهم احلى اما بالنسبة لمعالي احسها شخصية جادة شوي انا حكمت عليها بدون ماعرف شخصيتها فقط احساس يمكن من اسمها وقلت لك انا قبل معالي اسم ما استسيغه كثير ..

يبقى عندنا وسن اكثر شخصية لفتت انتباهي وعندي احساس ان بيكون ليها قصة مشوقه مرة وبيكون ليها دور كبير بالقصة .. واعيد اقول هذا فقط احساس عندي

لي عوده وتعليق آخر بعد الجزء الثاني .. بالأنتظار << اله اش هالأدب الي نازل عليكِ مرة وحدة !!