الموضوع منقول من الايميل
لبالغ اهميته
الرجاء قراءة التقرير كاملاً
وأنا في احد المحلات في إحدى الأسواق التجارية ( تبطون على الإنشاء .. لاحد يدقق ^_^ ) <-- ودي أفضح بالاسم بس مدري يصير وإلا لا .. استوقفني حزام نسائي .. مكتوب عليه
playboy
مثل هالصورة
وموجود جنبها الأرنب
وغالباً تكون مكتوبة على أشياء النساء سواء بلوزة او حزام أو .. اي شيء
وهذي صورة الأرنب مكبرة
وبعد موجود
playgirl
وهذي الكلمة تلقونها مكتوبة على أشياء الرجال
وعشان اللي مايعرف وش الطبخة .. بأقولها بشكل سريع ومختصر
هذي الله يسلمكم مجلة إباحية أمريكية اسمها
الولد اللعوب - playboy
تأسست عام 1953 على يد
هيو هيفنر - Hugh Hefner
وتعتبر من أكبر المجلات الإباحية في العالم .. وتصدر إلى أكثر من 30 دولة
انا قد قريت موضوع مرة .. ان هالشركة خسرت بالغرب .. وتبي تعوض خسارتها في عالمنا الإسلامي
وفعلاً وصلوا لمرادهم .. موجودة الآن في السوق
بصراحة أول مرة شفتها في المحل قبل كم يوم .. واستغربت من صاحبة المحل أنها تستورد مثل هالبضاعة .. بغيت أصورها بس استحيت البياع حولي حتى ماطولت وامعنت النظر فيها <-- وش باقي تشوفين .. ولا شفت سعر الحزام الطامة الكبرى أنها صارت موضة .. تلقى بعض الشباب والشابات .. يلبسونها .. وعادي .. مادري هم يعرفون وش معناها ومطنشين أو امعات يلبسون ع الموضة .. ومثل الأطرش في الزفة ؟؟
هذا غير بعض العبارات المكتوبة تدعو للشذوذ والإباحية والعياذ بالله .. ولا تليق بشخص مسلم عنده كرامه يلبسها
الطامة الأكبر مو بس في الملابس شوفوا هذا وش مسوي للأمانة موب انا مصورتها مدري من مصور هالصورة
ياليت الواحد قبل يشتري أي شيء يفهم معنى الكلام أو الرموز المكتوبة عليه .. وهذا من مبدأ الرسول صلى الله عليه وسلم عندما قال : من تعلم لغة قوم أمن مكرهم
مادري هل فضح التاجر اللي يستورد مثل هالبضاعة واسم محله حل من الحلول ؟؟ .. في حال ان الجمارك تساهلت ومررت البضاعة ولا سوت تعهد للتجار في حال أنهم استوردوها للمرة الثانية ؟؟
في نظري .. أسهل حل في الوقت الحالي هو المشاركة في التوعية والله يوفق الجميع